काठमाडौं । सरकारले सशस्त्र प्रहरी बलका तीनै एआईजीको जिम्मेवारी हेरफेर गरेको छ ।

१३ भदौमा बसेको मन्त्रिपरिषद्को बैठकले उनीहरुको सरुवा गरेको हो ।

सीमा सुरक्षा विभागमा कार्यरत नारायणदत्त पौडेललाई कार्यविभाग, कार्य विभागमा कार्यरत बंशीराज दाहाललाई मानवस्रोत विभागमा सरुवा गरिएको छ ।

सीमा सुरक्षा विभागको जिम्मेवारी चन्द्रप्रकाश गौतमलाई दिइएको छ । उनी मानव स्रोत विभागमा कार्यरत थिए ।