काठमाडौँ । महिला बालबालिका तथा समाज कल्याण मन्त्रालयका सचिव दिनेश भट्टराईले पनि राजीनामा दिएका छन् ।

मुख्य सचिव नियुक्तिमा असन्तुष्टि जनाउँदै तेस्रो वरियतामा रहेका भट्टराईले राजीनामा बुझाएका हुन् । स्रोतकाअनुसार उनले दिएको राजीनामा स्वीकृत पनि भइसकेको छ ।

यसअघि पहिलो वरियतामा रहेका योजना आयोगका सचिव तोयनारायण ज्ञवालीले पनि राजीनामा दिएका थिए ।

शुक्रबार बसेको मन्त्रिपरिषद् बैठकले चौथो वरियतामा रहेका एकनारायण अर्याललाई मुख्यसचिव बनाएपछि उनीहरू असन्तुष्ट हुँदै राजीनामा दिएका हुन् ।

सार्वजनिक खरिद अनुगमन कार्यालयका रामकृष्ण सुवेदी दोस्रो वरीयताका सचिव हुन् ।