काठमाडौं । अखिल नेपाल फुटबल संघ (एन्फा) ले अन्तर्राष्ट्रिय मापदण्डको नयाँ रंगशाला निर्माण गर्ने भएको छ ।

जसका लागि एन्फाले २२ लाख अमेरिकी डलर विनियोजन गरेको छ ।

भदौ ११ देखि १३ गतेसम्म बसेको एन्फाको कार्यसमिति बैठकले २५ देखि ४० हजार दर्शक क्षमता भएको सुविधासम्पन्न, आधुनिक र अन्तर्राष्ट्रिय मापदण्ड सहितको फुटबल रंगशाला निर्माण गर्न सो रकम विनियोजन गरेको हो ।

रंगाशाला निर्माणार्थ जग्गा प्राप्तिका लागि सरकारसँग समन्वय गर्ने संघका उपाध्यक्ष दीपक खतिवडाको संयोजकत्वमा उपाध्यक्ष दावा लामा र कार्यसमिति सदस्य मनिष जोशी सदस्य रहने गरी तीन सदस्य समिति गठन गर्ने पनि एन्फाले निर्णय गरेको छ ।