काठमाडौं । मुस्ताङमा फेरि हिमपहिरो गएको छ । जिल्लाको थासाङ गाउँपालिका–२,बोक्सीखोला माथिको लेकमा पुनः हिमपहिरो गएको हो ।

मङ्गलबार साँझ करिब ६ बजेको समयमा हिमपहिरो गएको बताइएको छ । थासाङको बोक्सी खोला माथि छिप्लुङ लेंक हुँदै धौलागिरि हिमालको फेंदबाट खसेको जनाइएको छ ।

जिल्ला प्रहरी कार्यालय मुस्ताङका अनुसार पहिले खसेको पहिरोको केही थुप्रो खसेको हो ।

यसअघि भदौ ६ गते दिउँसो थासाङको बोक्सी खोला माथि लेकमा हिमालको फेदबाट हिमपहिरो खसेको थियो । रातको समय भएकाले ८–९ घरधुरीलाई सुरक्षित स्थानमा सारिएको बताइएको छ ।