रामेछाप । रामेछापको दोरम्बा शैलुङ गाउँपालिकाको लेखर्कमा पहिरो जाँदा तीन घर बगाएको छ ।

जिल्ला प्रहरी कार्यालय रामेछापका अनुसार गएराति पहिरो घर बगाएको हो । प्रहरीका अनुसार दोरम्बा गाउँपालिका वडा नम्बर ३ र २ को बीचमा रहेको पक्की पुल पनि बगाएको छ।

मन्थलीबाट गएको टोली पुल बगाएकाले घटनास्थलमा पुग्न सकेको छैन ।

यता दोरम्बा शैलुङ गाउँपालिका अध्यक्ष मैन कुमार मोक्तानले पनि ४ वटा घर बगाएको र केहि बेपत्ता भएको जानकारी आएकाले घटनास्थलतर्फ आफू जाँदै गरेको जानकारी दिए ।

पहिरो गएपछि त्रासले टोकरपुरबासी रातभर जागै बसेका थिए।