एजेन्सी । पश्चिमी जर्मनीको सोलिङ्गेन सहरमा चक्कु प्रहार हुँदा तीन जनाको मृत्यु भएको छ ।

शुक्रबार साँझ सहरको केन्द्रमा एक उत्सवको समयमा अन्धाधुन्ध रूपमा छुरा प्रहार भएको हो ।

आक्रमणकारी अझै फरार रहेको बताइएको छ । आक्रमणकारीको व्यापक रूपमा खोजी भइरहेको छ । प्रहरीको हेलिकप्टरहरू सहर माथि घुमिरहेको देखिएको छ ।

बिल्डका अनुसार प्रहरीले छुरा प्रहार गर्ने सन्दिग्धको खोजीमा ४० वटा सवारी साधन परिचालन गरेको छ । यस्तै सोही घटनामा अन्य चार जना गम्भीर घाइते भएका छन् ।