काठमाडौं । भारत भ्रमणमा रहेकी परराष्ट्रमन्त्री आरजु राणा देउवा र भारतीय जनता पार्टी (भाजपा) का विदेश विभाग प्रमुख विजय चौथाइवालेबीच भेटवार्ता भएको छ ।

उनीहरुबीच नयाँ दिल्लीको साकेतस्थित शेराटन होटलमा बुधबार भेटवार्ता भएको हो ।

भेटघाटमा चौथाइवालेले परराष्ट्रमन्त्री नियुक्त भएकोमा राणालाई बधाई दिएका थिए ।

उनीहरूबीच नेपाल–भारत सम्बन्धबारे पनि कुरा भएको जनाइएको छ ।

गत आइतबार भारत गएकी उनी बिहीबार स्वदेश फर्कँदै छिन् ।