काठमाडौं । साफ च्याम्पियनसिपमा बंगलादेशले श्रीलंकालाई पराजित गरेसँगै नेपाल एक खेलअघि नै सेमिफाइनल प्रवेश गरेको छ ।

मंगलबार एन्फा कम्प्लेक्स सातदोबाटोमा भएको समूह ‘ए’ को खेलमा बंगालदेशले श्रीलंकालाई २-० गोलले पराजित गरेको हो ।

यसअघि समूह ए को पहिलो खेलमा नेपालले श्रीलंकालाई १-० ले पराजित गरेको थियो ।

बंगलादेशले पनि श्रीलंकालाई हराएपछि दुवै टोलीले समूहको अन्तिम खेल अघि नै सेमिफाइनलमा स्थान पक्का गरेका हुन् ।

लगातार दुई हारपछि श्रीलंका भने समूह चरणबाटै बाहिरिएको छ ।

अब बिहीबार नेपाल र बंगलादेशबीचको खेलले समूह एको विजेताको टुङ्गो लाग्नेछ ।