अर्घाखाँची। पहिरोले गोठ पुरिंदा अर्घाखाँचीमा एक जनाको मृत्यु भएको छ ।

वर्षापछि शितगंगा नगरपालिका-१३, सिमलपानीमा गोठ माथिबाट खसेको पहिरोले पुरिंदा ३५ वर्षीय बिष्णु थापाको मृत्यु भएको हो ।

पहिरो खस्न थालेपछि पशुचौपायालाई गोठबाट बाहिर निकाल्न गएका थापालाई पहिरोले च्याँप्दा घटनास्थलमै थापाको मृत्यु जिल्ला प्रहरी कार्यालय अर्घाखाँचीले जनाएको छ ।

पहिरोले गोठमा रहेको एउटा पाडो र दुईवटा बाख्रा समेत च्यापिएर मरेका छन् ।