एजेन्सी । इंग्लिस प्रिमियर लिग फुटबलमा टोटनहम र लेस्टर सिटीले बराबरी खेलेका छन् ।

सोमबार राति किंग पावर स्टेडियममा भएको खेलमा लेस्टर सिटी र टोटनहमले १–१ गोलको बराबरी खेलेका हुन् ।

खेलको २९ औँ मिनेटमा टोटनहमका पेड्रो पेरोले गोल गरेका थिए । तर दोस्रो हाफको ५७ औँ मिनेटमा लेस्टर सिटीका जेमी भार्डीले गोल गरे ।

थप गोल नहुँदा खेल बराबरीमा सकियो । यो बराबरीसँगै दुवै टोलीले अङ्क बाँडेका छन् ।