काठमाडौँ । भारतका प्रधानमन्त्री नरेन्द्र मोदीले नेपालकी परराष्ट्रमन्त्री आरजु राणा देउवासँगलाई स्वागत गर्न पाउँदा आफूलाई खुशी लागेको पतिक्रिया दिएका छन् ।

सोमबार बेलुकी परराष्ट्रमन्त्री राणासँगको भेटपछि प्रधानमन्त्री मोदीले सामाजिक सञ्जाल एक्समा ट्वीटमार्फत यस्तो पतिक्रिया दिएका हुन् ।

उनले लेखेका छन्,‘नेपालकी परराष्ट्रमन्त्री आरजु राणालाई स्वागत गर्न पाउँदा खुसी लाग्यो ।’

मोदीले भारत र नेपालबीच घनिष्ठ सभ्यताको सम्बन्ध र प्रगतिशील तथा बहुआयामिक साझेदारी रहेको बताए । उनले दुई मुलुकको विकास साझेदारीमा निरन्तर गतिको लागि तत्पर रहेको पनि उल्लेख गरेका छन् ।