सोलुखुम्बु । सोलुखुम्बुको पासाङल्हामू गाउँपालिका– ५ मा पर्ने थामेखोलामा आएको बाढीले १४ घर बगाएको छ ।

खुम्बु पासाङ ल्यहामु गाउँपालिका ५ मा पर्ने खुम्बु थामे क्षेत्रमा हिमताल फुटेर आएको लेदोसहितको बाढीले १४ घर बगाएको हो।

बाढीबाट एउटा विद्यालय, ३ वटा क्लिनिकसहित १४ वटा घरमा पूर्ण क्षति भएको छ।

यस्तै ७ वटा घर उच्च जोखिममा रहेको सोलुखुम्बु प्रहरीले जनाएको छ।

त्यस्तै, थामेखोलामा आएको बाढीमा फसेका ७ जनाको उद्धार गरिएको छ ।

नेपाली सेनाले बाढीमा फसेकाहरुको उद्धार गरेको हो ।