काठमाडौं । भक्तपुरको गठ्ठाघरमा भएको दुर्घटनापछि फरार रहेका चालक पक्राउ परेका छन् ।

प्रहरीले ना ६ ख २१७३ नम्बरको ट्रकका चालक सर्लाहीको मलंगवा घर भएका ३२ वर्षीय सतेन्द्र श्रेष्ठलाई पक्राउ गरेको हो ।

जिल्ला प्रहरी परिसर भक्तपुरका अनुसार उनलाई नियन्त्रणमा लिएर अनुसन्धान थालिएको छ । स्कुटरलाई ठक्कर दिँदा एक जनाको ज्यान गएपछि उनी गट्ठाघरबाट फरार भएका थिए ।

बिहीबार दिउँसो उनले चलाएको ट्रकले बा४९ प ८९४४ नम्बरको स्कुटरलाई ठक्कर दिँदा एक जनाको मृत्यु भएको थियो भने घटनापछि सो क्षेत्र तनावग्रस्त बनेको थियो ।

दुर्घटनामा ज्यान गुमाएका व्यक्तिको अझै सनाखत हुन सकेको छैन । शव पोस्टमार्टमका लागि त्रिवि शिक्षण अस्पताल, महाराजगन्जमा राखिएको छ ।