काठमाडौं । सुन्दरीजल घट्टेखोलामा एक युवक मृत फेला परेका छन्।

काठमाडौंको गोकर्णेश्वर नगरपालिका–१ स्थित घट्टेखोलामा एक युवक मृत फेला परेका हुन् ।

काठमाडौं महानगरपालिका–३२ काँडाघारी पेप्सीकोला बस्ने २८ वर्षीय बिबेक पौडेल शुक्रबार बिहान मृत अवस्थामा फेला परेको प्रहरी प्रधान कार्यालयले जनाएको छ ।

उनी सुन्दरीजल घुम्न गएको र बिहीबार साँझ घट्टेखोलामा खसेर बेपत्ता भएको सूचना प्रहरीलाई आएको थियो।

प्रहरी वृत्त बौद्व लगायत विभिन्न युनिटबाट खटिएको संयुक्त टोलीले खोजी गर्ने क्रममा शुक्रबार शव फेला परेको हो।