काठमाडौं । भक्तपुरको चित्तापोलमा बाल्टिनमा भएको पानीमा डुबेर ११ महिने बालिकाको मृत्यु भएको छ ।

सिन्धुपाल्चोक घर भएर भक्तपुरको सूर्यविनायक नगरपालिका–१० चित्तापोल बस्दै आएकी गीता बस्नेतकी छोरी नेलिस्ता बस्नेतको बाल्टिनमा डुबेर मृत्यु भएको हो ।

सोमबार साँझ बाल्टिनमा रहेको पानीमा डुबेर उनी घाइते भएकी थिइन् ।

उपचारको क्रममा ख्वप अस्पताल च्यामासिंहमा उनको मृत्यु भएको प्रहरीले जनाएको छ ।