काठमाडौं । वर्षाका कारण काठमाडौं उपत्यकाका धेरै सडक जलमग्न हुँदा सवारी आवागमन अस्तव्यस्त भएको छ ।

सडकमा पानी जम्दा पैदलयात्रुहरु समस्यामा परेका छन् भने सवारी आवागमन अस्तव्यस्त बनेको छ ।

माइतीघर, लैनचौर, पुतलीसडक, स्वयम्भु, कोटेश्वर, केशरमहल लगायतका मुख्य सडक र सहायक सडकहरु जलमग्न भएकाले सवारी आवागमन प्रभावित भएको छ ।

ललितपुरको कुपण्डोल, मंगलबजार, जावलाखेल र भित्री सडकहरूमा समेत पानीको भेलले सवारी आवागमन रोकिएको छ ।

काठमाडौंको बनस्थली चोकबाट खरिबोटतर्फ जाने सडकमा पनि भेल बगेर आवागमन प्रभावित भएको छ ।