चितवन । आइतबार बिहान नारायणी नदीको किनारमा मान्छेमाथि आक्रमण गर्ने पाटेबाघलाई १६ घन्टापछि नियन्त्रणमा लिइएको छ ।

चितवन निकुञ्जका पशु चिकित्सक र हात्तीसहित राष्ट्रिय प्रकृति संरक्षण कोष सौराहाको प्राविधिक टोलीको दिनभरको प्रयासपछि राती पौने नौ बजे नियन्त्रणमा आएको हो ।

बिहान सवा ५ बजेतिर नारायणघाटस्थित नदी किनारमा मर्निङवाक गरिरहेका भरतपुर(२ बेलटाँडीका ६० वर्षीय पशुपति श्रेष्ठलाई आक्रमण गरेर बाघ नजिकैको झाडीमा लुकेको थियो ।

बिहानैदेखि ड्रोन क्यामरा र हात्तीसहित खटेको प्राविधिक समूह राति सवा ९ बजेतिर बाघलाई नियन्त्रणमा लिन सफल भएको भिजन वन कार्यालय चितवनले जनाएको छ ।

अहिले प्राविधिक टोलिले डार्ट गरेर बेहोस बनाएका छन् । बाघलाई निकुञ्ज लैजाने तयारी गरिएको बताइएको छ ।