काठमाडौं । आगामी भदौ २१ गतेबाट सार्वजनिक प्रदर्शनमा आउने फिल्म ‘रावायण’को टिजर सार्वजनिक गरिएको छ ।

काठमाडौंमा एक कार्यक्रमकाबीच टिजर सार्वजनिक गरिएको हो । टिजरमा अभिनेता पल शाहको एक्सनलाई प्राथमिकता दिइएको छ ।

टिजरमा अधिकांश दृश्यमा द्वन्द्वले स्थान पाएको छ । टिजरमा पल दाह्री र जुँगा सहिदको गेटअपमा छन् ।

फिल्ममा भिलेन चरित्रमा देखिएका प्रमोद अग्रहरि, प्रकाश शाह, प्रदीप ढकाललाई निकै सशक्त रुपमा प्रस्तुत गरिएको छ ।

टिजरमा नायिका पुजा शर्मा, प्रियंका कार्की, निकिता चण्डक पनि अटाएका छन् ।

पलको अलवा पुजा शर्मा, प्रियंका कार्की, प्रमोद अग्रहरी, निकीता चण्डक, प्रकाश शाह, कैलाश रावल, अर्जुनजंग शाही, शर्मिला मल्ल, प्रदिप ढकाल, रोजिता पराजुलीलगायतको अभिनय छ ।

फिल्ममा शिवम अधिकारीको लेखन, प्रदीप श्रीवास्तवको पटकथा, सौरभ लामाको छायांकन, मिलन श्रेष्ठको सम्पादन, निरज सिंह, रेवन आरती सिंहको संगीत छ ।