काठमाडौं । नेपाली ब्याडमिन्टन खेलाडी प्रिन्स दाहाल पेरिस ओलम्पिकबाट बाहिरिएका छन् ।

समूह चरणको अन्तिम खेलमा आज इजरायलका मिसा गिल्बरम्यानसँग २–० को सोझो सेटमा पराजित भएसँगै प्रिन्स प्रतियोगिताबाट बाहिरिएका हुन् ।

१६ मिनेट चलेको खेलको पहिलो सेटमा प्रिन्स १२–२१ ले पराजित भए। यसैगरी २० मिनेटको दोस्रो सेट प्रिन्सले १०–२१ ले गुमाए ।

समूह ‘पी’मा रहेका प्रिन्सले यसअघि डेनमार्कका भिक्टर एक्सेल्सन र आयरल्यान्डका नाट गुयेनकासँग पनि समान २–० सेटको हार ब्यहोरेका थिए ।