एजेन्सी । भारी वर्षाका कारण भियतनामको हालङ बे नजिकै कोइला खानीमा पहिरो खस्दा पाँच जनाको मृत्यु भएको छ।

भियतनामको राज्यसञ्चालित होन गाई कोइला कम्पनीको खानीमा पहिरो खसेको हो ।

उद्धार टोलीले मङ्गलबार बिहान २३ देखि ४७ वर्ष उमेरका खानी मजदुरहरूको शव निकालेको छ।

विपद् अधिकारीहरूले दुर्घटनाको समयमा उत्तरी क्वाङ निन्ह प्रान्तको हा लङ सहरमा आएको भारी वर्षाले पहिरो निम्त्याएको जानकारी गराएका छन् ।

देशको उत्तरी भागहरूमा केही दिनदेखिको भारी वर्षाले आकस्मिक बाढीपहिरो निम्त्याइरहेको छ ।

अप्रिलदेखि क्वाङ निन्ह प्रान्तमा भएको खानी दुर्घटनामा अन्य सात जनाको मृत्यु भएको छ ।