गोरखा । गोरखाको धार्चे गाउँपालिका–५ सिङग्लामा पहिरोले एक घर पुरिँदा पाँचजना बेपत्ता भएका छन् ।

आज बिहान ३ बजे गएको पहिरोले स्थानीय जितबहादुर गुरुङ्गको घर पुरिँदा ५ जना बेपत्ता भएका हुन् ।

जिल्ला प्रहरी कार्यालय गोरखाका अनुसार दुर्गम स्थान भएकोले प्रहरी घटनास्थलतर्फ गइरहेको छ ।

प्रहरी टोली गोरखा लाप्राक र माछाखोलाबाट घटनास्थलतर्फ जाँदै छ। घटनाको थप विवरण आउन बाँकी रहेको छ ।