कावासोती । नवलपुरको देवचुली नगरपालिका रजहरमा रहेको सामुदायिक प्राकृतिक चिकित्सालयप्रतिको आर्कषण बढ्दै गएको छ ।

प्राकृतिक चिकित्सालयमा प्राकृतिक विधि प्रयोग गरिने भएकाले यसले कुनै साइडइफेक्ट नगर्ने भएकाले यसप्रति आकर्षण बढेको हो ।

यहाँ माटो, पानी, हावा, अग्नी, जलका साथै जडीबुटी, वैज्ञानिक मालिस, अक्युपङ्चर, फिजियोथेरापी, योग, ध्यान पद्धतिद्वारा उपचार प्रदान गरिन्छ । ठुला अस्पतालमा निको नभएको रोग प्राकृतिक चिकित्सालयमा आएपश्चात निको भइरहेको सेवाग्राहीको भनाइ छ ।

चिकित्सालयमा नसा, पेट, मुटु र छालाका बिरामीलाई माटो दलेर उपचार गर्ने गरिन्छ । गैडाकोट ३ का शिवकान्त तिवारी आजभोलि स्वास्थ्यमा केही समस्या देखियो भने प्राकृतिक चिकित्सालय आउँछन् ।

शरीरमा देखिने विविध समस्या देखिएपछि समाधानका लागि चार दिनसम्म चिकित्सालयमा बसेर उपचार गरी घर फर्किएको तिवारीले बताए । गोरखापत्रबाट