काठमाडौं । उपेन्द्र यादव नेतृत्वको जनता समाजवादी पार्टी, नेपालले केन्द्रीय समितिको बैठक बोलाएको छ ।

जसपाको हालै सम्पन्न महाधिवेशनपछि नव गठित केन्द्रीय समितिको पहिलो बैठक बस्न लागेको हो।

जसपा केन्द्रीय कार्यालयका अनुसार बैठक यही साउन २७, २८, २९ र ३० गते बस्नेछ ।

उक्त बैठकमा एकताको राष्ट्रिय महाधिवेशनले तय गरेका पार्टीको वैचारिक, सैद्धान्तिक अवधारणा, वर्तमान राष्ट्रिय राजनीतिक परिस्थितिमा पार्टीले खेल्नु पर्ने भूमिका, वर्तमान भू–राजनीतिक अवस्था र नेपालको परराष्ट्र नीति तथा सम्बन्ध लगायतका विषयहरूमा अभिमुखीकरण गरिनेछ ।

साथै पार्टीको आगामी वैचारिक, राजनीतिक, सङ्गठनात्मक कार्ययोजना तथा कार्यक्रम लगायतका विषयहरुमा पनि छलफल गरिने बताइएको छ ।