काठमाडौं । सौर्य एयरलायन्सको विमान दुर्घटनामा मृत्यु भएकाहरूको शव आफन्तलाई जिम्मा लगाउन थालिएको छ ।

पोस्टमार्टमका लागि महाराजगन्जस्थित शिक्षण अस्पतालमा राखिएको शवहरू शुक्रबार आफन्तलाई दिन थालिएको हो ।

पहिलो चरणमा ५ जनाको शव आफन्तको जिम्मा लगाइएको शिक्षण अस्पतालले जनाएको छ ।

पोस्टमार्टमका आवश्यक प्रक्रिया पूरा भएपछि शवहरू आफन्तलाई हस्तान्तरण गर्न थालिएको बताइएको छ ।

प्रक्रिया मिलेसम्म केहीको आजै र बाँकी भोलि शव आफन्तको जिम्मा लगाइने अस्पतालले जानकारी दिएको छ ।

बुधबार बिहान सौर्य एयरलायन्सको विमान त्रिभुवन अन्तर्राष्ट्रिय विमानस्थलमै दुर्घटना हुँदा १८ जनाको मृत्यु भएको थियो ।