जाजरकोट । जाजरकोटको छेडागाड नगरपालिका–१२ काँडागाउँमा घर भत्किँदा ८ जना घाइते भएका छन् ।

स्थानीय पदम अधिकारीको घर शुक्रबार बिहान ३ बजे भत्किँदा परिवारका ८ जना घाइते भएका हुन् ।

जिल्ला प्रहरी कार्यालय जाजरकोटका अनुसार ३५ वर्षीय पदम अधिकारी, १० वर्षका दिनेश अधिकारी, ३० वर्षकी सरिता अधिकारी, १४ वर्षका नविन अधिकारी, ६५ वर्षकी भिरकुली अधिकारी, १५ वर्षकी सुजता अधिकारी, १६ वर्षकी संगीता अधिकारी र १४ वर्षका नवराज अधिकारी घाइते भएका छन् ।

६ जनालाई उपचारका लागि जिल्ला अस्पताल जाजरकोट लगिएको छ भने २ जनाको स्थानीय स्वास्थ्य संस्थामै उपचार भइरहेको प्रहरीले जनाएको छ ।

वर्षातका कारण ढुंगा, माटोले बनेको एकतले कच्ची घर भत्किएको बताइएको छ ।