अछाम । जिल्ला प्रहरी कार्यालय अछामका प्रमुख तथा प्रहरी नायव उपरीक्षक (डीएसपी) ईश्वरी प्रसाद भण्डारीले अपराध नियन्त्रण तथा शान्ति सुरक्षा व्यवस्था सुदृढ पार्न र विपद्‌का घटनाहरूबाट हुन सक्ने धनजनको क्षति न्यून गर्न निर्देशन दिएका छन् ।

आइतबार मातहतका सम्पूर्ण प्रहरी इकाई प्रमुखहरुलाई उनले सो निर्देशन दिएका हुन् ।

डीएसपी भण्डारीले उच्च मनोबलका साथ त्रुटीरहित ढंगले प्रहरी कार्यमा खटिनुपर्नेमा जोड दिएका छन् ।

उनले विपद्‌का घटनाहरूमा प्रहरीको अहम भूमिका रहेको र प्रहरी संगठनको उच्च छविका लागि उत्कृष्ट प्रदर्शन गर्नुपर्ने आवश्यकता औंल्याए ।