सोलुखुम्बु । भिनाजुको हत्या गरेको आरोपमा सोलुखुम्बुबाट प्रहरीले एक जनालाई पक्राउ गरेको छ।

पक्राउ पर्नेमा थुलुङ दूधकोशी गाउँपालिका-२ देविस्थानका ४५ वर्षीय पूर्णबहादुर बस्नेत रहेका छन्।

सोही गाउँपालिका-१ नेले बस्ने आफ्नै भिनाजु ६० वर्षीय सुरेश बस्नेतको हत्या गरेको आरोपमा उनलाई पक्राउ गरिएको प्रहरीले जनाएको छ ।

पूर्णबहादुरले आफ्नै घरमा पाहुना आएका सुरेशलाई खुकुरी प्रहार गरी हत्या गरेका थिए ।

सुरेशको घटनास्थलमै मृत्यु भएको थियो। घटनाको थप अनुसन्धान भइरहेको प्रहरीले जनाएको छ ।