रौतहट । रौतहटको लक्ष्मीपुरघाटस्थित बागमती नदीमा नुहाउन गएका एक बालक बेपत्ता भएका छन् ।

नुहाउन गएका तीन जनामध्ये १० वर्षीय एक बालक बेपत्ता भएका हुन् । आफूसँगै गएको साथी डुबेको ती दुई बालकले परिवारलाई खबर गरेका थिए।

खबर पाएलगत्तै बालकको खोजी गरिरहेको सशस्त्र प्रहरी बल नेपाल नम्बर ११ गणले खोजी गरिरहेको छ ।

बेपत्ता बालकको खोजीका लागि सशस्त्र प्रहरी निरीक्षक भुवन घिमिरेको कमान्डमा ३० जनाको टोली खटेको छ।

पानीमा डुबेर बाहिर निस्किएका अर्का एक बालकको स्थानीय अस्पतालमा उपचार भइरहेको छ।