एजेन्सी । दुबईका शासक शेख मोहम्मद बिन राशिद अल–मकतुमले आफ्ना छोरालाई संयुक्त युएईको रक्षामन्त्रीमा नियुक्त गरेका छन्।

मन्त्रिपरिषद् पुनर्गठनमा युएइएका प्रधानमन्त्री शेख मोहम्मदले सामाजिक सञ्जाल एक्समा लेख्दै सो जानकारी दिएका हुन्।

प्रधानमन्त्री मोहम्मदले लेखेका छन्,’शेख हमदान बिन मोहम्मद बिन राशिद अल मकतुम संयुक्त अरब इमिरेट्सको सरकारमा उपप्रधानमन्त्रीका रूपमा सामेल भएका छन् र उनलाई रक्षामन्त्रीमा नियुक्त गरिएको छ ।’

४१ वर्षीय शेख हमदान शेख मोहम्मदका दोस्रो छोरा हुन् । उनले सन् २००८ देखि दुबईको युवराजको पद सम्हाल्दै आएका छन् । सन् २००१ मा बेलायतको एलिट स्यान्डहर्स्ट मिलिटरी कलेजबाट स्नातक गरेका छन् ।

उनी सन् २००६ मा इमिरेट्समा रणनीतिक विकास योजनाका लागि जिम्मेबार निकाय दुबईको कार्यकारी परिषद्का अध्यक्षसमेत रहेका थिए ।

मन्त्रिपरिषद् पुनर्गठनमा विदेशमन्त्री शेख अब्दुल्ला बिन जायद अल नाहयानलाई पनि उपप्रधानमन्त्रीका रूपमा नियुक्त गरिएको छ।

सानो मन्त्रिपरिषद् पुनर्गठनले अन्य धेरै मन्त्रीहरूको फेरबदलका साथै मन्त्रालयहरूको विलय पनि गरेको छ ।

विश्वको सबैभन्दा ठूला तेल उत्पादकहरूमध्येको एक र संयुक्त राज्य अमेरिका, रुस तथा चीनको सहयोगी संयुक्त अरब इमिरेट्स मध्यपूर्वमा प्रमुख शक्तिका रूपमा विकसित भएको छ ।