काठमाडौं । राष्ट्रिय स्वतन्त्र पार्टी (रास्वपा)ले प्रधानमन्त्री पुष्पकमल दाहाल ‘प्रचण्ड’लाई विश्वासको मत दिने निर्णय गरेको छ ।

शुक्रबार बसेको संसदीय दल बैठकले प्रधानमन्त्री दाहालले प्रतिनिधि सभामा राख्ने विश्वासको मत प्रस्तावका पक्षमा मतदान गर्ने निर्णय गरेको हो।

आज नै पार्टी सभापति रवि लामिछानेले सदनमा सम्बोधन गर्ने तय भएको छ । प्रधानमन्त्री प्रचण्डले आज विश्वासको मत लिँदैछन् ।

प्रतिनिधिसभा बैठक बिहान ११ बजेका लागि आह्वान गरिएको छ । संसदीय दल बैठकमा रास्वपाका मन्त्रीहरूले गरेका कामबारे समीक्षा पनि भएको थियो।

दाहाल नेतृत्वको सरकारमा रास्वपाका चार जना मन्त्री छन्। प्रतिनिधिसभामा रास्वपाका २१ जना सांसद छन्।