काठमाडौं । ३२ क्विन्टल सुन तस्करी प्रकरणमा धरौटी बुझाउन नसकेपछि तीन जना पनि कारागार चलान भएका छन्।

प्रहरीको केन्द्रीय अनुसन्धान ब्यूरो सीआईबीका अनुसारअदालतले तोकेको धरौटी बुझाउन नसकेपछि उनीहरुलाई कारागार पठाइएको हो ।

जिल्ला अदालत काठमाडौंका न्यायाधीश कपिलमणि गौतमको इजलासले बुधबार तीन जनासँग धरौटी माग गरेको थियो। बाँकी १७ जनालाई पुर्पक्षका लागि थुनामा पठाउन आदेश दिएको थियो।

राजु खत्री भन्ने प्रेमनाथ सेढाईं, कान्छा लामा र रूपक भण्डारीलाई धरौटीमा छाड्न आदेश दिएको थियो। सेढाईंसँग ‍‍५७ लाख, लामा र भण्डारीसँग ९७र९७ लाख धरौटी माग गरिएको थियो।

तर धरौटी बुझाउन नसकेपछि उनीहरूलाई केन्द्रीय कारागारमा चलान भएको सीआईबीले जनाएको छ । करिब ६१ किलो सुन तस्करीको अनुसन्धान गर्दा ३२ क्विन्टल सुन तस्करी भएको प्रहरी अनुन्धानबाट खुलेको थियो ।

सोही प्रकरणमा काठमाडौं जिल्ला अदालतका न्यायाधीश कपिलमणि गौतमको बुधबारको इजलासले पक्राउ परेका २० जनामध्ये १७ जनालाई भने पुर्पक्षका लागि कारागार चलानको आदेश दिएको थियो ।

अर्को पनि पढ्नैपर्ने

६१ किलो सुन तस्करी प्रकरण : १६ जना पुर्पक्षका लागि थुनामा, तीन जनासँग मागियो धरौटी