विराटनगर । बेवारिसे अवस्थामा १ सय ६९ किलो गाँजा बरामद भएको छ ।

प्रहरीले विराटनगरबाट ठूलो परिमाणमा गाँजा बरामद गरेको हो ।

विराटनगर महानगरपालिका–१७ गुजार टोलबाट गाँजा बरामद गरिएको जिल्ला प्रहरी कार्यालय मोरङले जनाएको छ ।

जिल्ला प्रहरी कार्यालय मोरङ र इलाका प्रहरी कार्यालय रानीको संयुक्त टोलीले राति ११ बजेतिर गाँजा फेला पारेको थियो ।

खाली जमिनमा त्यत्तिकै छाडिएको अवस्थामा ६ पोका गाँजा फेला परेको थियो ।

बरामद गरिएको गाँजा आवश्यक अनुसन्धानका लागि इलाका प्रहरी कार्यालय रानीमा राखिएको छ ।

गाँजा कसले ल्याएर खाली जग्गामा फालेको हो भन्ने यकिन भइसकेको छैन ।