एजेन्सी । टर्की र नेदरल्यान्ड्स युरोकप फुटबलको क्वाटरफाइनलमा प्रवेश गरेका छन् ।

आज बिहान भएको खेलमा अष्ट्रियालाई हराउँदै टर्की र गएराति भएको खेलमा रोमानियालाइ हराउँदै नेदरल्यान्ड्स क्वाटरफाइनलमा प्रवेश गरेको हो ।

टर्कीले अष्ट्रियालाई २–१ गोलले र नेदरल्यान्ड्सले रोमानियालाई तीन गोलले हरायो । टर्कीको जितमा डिफेन्डर मरिह डेमीरालले दुवै गोल गरेका थिए ।

अष्ट्रियाले खेलको ६६ औँ मिनेटमा एक गोल फर्कायो । यस्तै नेदरल्यान्ड्सको जीतमा पामा डोनिएल मालेनले दुई तथा कोडी गाक्पोले एक गोल गरे ।

योसँगै युरोकपको क्वाटरफाइनल समिकरण पूरा भएको छ ।