काठमाडौं । ललितपुरमा व्यवसायीमाथि खुकुरी प्रहार गरी फरार भएका एक जनाले प्रहरीसमक्ष आत्मसमर्पण गरेका छन् ।

ललितपुरको गोदावरी नगरपालिका-९ छेडामा मनोज बाँनियामाथि खुकुरी प्रहार गरी फरार भएका राजेश केसीले प्रहरीसमक्ष आत्मसमर्पण गरेका हुन् ।

ललितपुरकै भैसेपाटी घर भएका बाबा भनेर चिनिने केसीले व्यवसायी बाँनियामाथि असार ७ गते खुकुरी प्रहार गरेका थिए ।

आत्मसर्मपण गरेका केसीविरुद्ध ज्यान मार्ने उद्योगको कसुरमा अनुसन्धान अघि बढाइएको जिल्ला प्रहरी परिसर ललितपुरले जनाएको छ ।

केसीले खुकुरी प्रहार गर्दा बाँनिया घाइते भएका थिए । उनको मेडिसिटी अस्पतालमा उपचार भइरहको छ ।