काठमाडौं । नेपाली कांग्रेसका पूर्वसांसद जितेन्द्रनारायण देव नेकपा एमालेमा प्रवेश गरेका छन् ।

एमाले पार्टी कार्यालयमा अध्यक्ष केपी शर्मा ‌ओली लगायतका नेताहरूले उनलाई पार्टी प्रवेश गराएका हुन्।

विजयकुमार गच्छदार नेतृत्वको दल मधेसी जनअधिकार फोरम लोकतान्त्रिकमा रहेका देव उक्त पार्टीसँगै कांग्रेसमा समाहित भएका थिए।

पार्टी प्रवेशसँगै देवले आफ्नो पुरानो बामपन्थी राजनीतिको पृष्ठभूमिबारे व्याख्या गरेका थिए ।

२०४९ सालमा एमालेबाटै राजनीति गरेका देव मधेस आन्दोलनपछि मधेसी दलहरूमा सहभागी हुँदै कांग्रेसमा पुगेका थिए ।

देव कांग्रेसबाट राष्ट्रियसभा सदस्य समेत भएका थिए ।