रुकुमपश्चिम । मध्यपहाडी राजमार्गको रुकुमखण्ड अवरुद्ध भएको छ ।

बिहीबार बेलुका रुकुमपश्चिमको मुसिकोट नगरपालिका ८ किटनीमा पहिरो जाँदा बाटो अवरुद्ध भएको हो ।

सडक अवरुद्ध हुँदा रुकुमपश्चिम हुँदै रुकुम पूर्व, पोखरा, काठमाडौँ जाने यातायातका साधनहरू रोकिएका छन् ।

रुकुम पूर्वबाट पनि रुकुम पश्चिम, सल्यान, दाङ, नेपालगन्ज जाने सवारी साधनहरू रोकिएका छन् । बाटो खुलाउने कोसिस भइरहेको प्रहरीले जनाएको छ ।