एजेन्सी । माल्दिभ्सको राष्ट्पतिलाई ‘कालो जादू’ गरेको आरोपमा वातावरणमन्त्रीलाई प्रहरीले पक्राउ गरेको छ।

वातावरण, जलवायु परिवर्तन तथा ऊर्जा राज्यमन्त्री फतिमथ शामनाज अली सलिमलाई अन्य दुईजनासहित राजधानी मालेबाट पक्राउ गरिएको हो ।

उनलाई अनुसन्धानका लागि एक हप्ता हिरासतमा राख्न अनुमति दिइएको छ।

राष्ट्रपति डा.मोहम्मद मुइज्जुमाथि कालो जादू गरेको आरोपमा शामनाजलाई पक्राउ गरिएको बताईएको छ ।

मुस्लिम बहुल माल्दिभ्सको फौजदारी संहिता अन्तर्गत जादूटूना अपराध उल्लेख नभएपनि इस्लामिक कानुनअनुसार यो कार्यका लागि छ महिनासम्मको जेल सजाय हुनेछ ।