झापा । झापामा हात्ती मृत अवस्थामा फेला परेको छ । जिल्लाको मेचीनगर–३ स्थित वहुवन क्षेत्रनजिकै एउटा हात्ती मृत भेटिएको हो ।

स्थानीय धरधरे खोला आसपासमा मृत भेटिएको हात्ती विद्युतीय करेन्ट लागेर मरेको हुन सक्ने प्रहरीका प्रारम्भिक अनुसन्धानबाट खुलेको छ ।

स्थानीय किसानले घरबाली जोगाउन घरैपिच्छे विद्युतीय तारबार गरेका छन् ।

सोही तारबारको पासोमा परेर हात्ती मरेको आशंका प्रहरीको छ ।