काठमाडौं । मंगलबार सेयर बजार परिसूचक नेप्से ५.६० अंकले बढेको छ ।

मंगलबार नेप्से ०.२७ प्रतिशतले वृद्धि हुँदै २०७१.७७ बिन्दुमा पुगेको हो ।

यस दिन ९४ लाख ३५ हजार ४५४ कित्ता बराबरको सेयर किनबेच हुँदा ४ अर्ब १८ करोड ७७ लाख रुपैयाँ बराबरको कारोबार भएको छ ।

अघिल्लो दिनसम्म उच्च दरले बढेको फाइनान्स समूह सूचक आज भने २.१५ प्रतिशत (५४ अंक) घट्यो ।

त्यस्तै बैंकिङ ५, निर्जीवन बीमा २३, अन्य ०.२ र व्यापार समूह ५ अंक घटे ।

माइक्रोफाइनान्स १५, उत्पादन २५, जीवन बीमा ५५, हाइड्रोपावर ३०, होटल तथा पर्यटन ५८ र विकास बैंक समूह १३ अंक बढे ।