एजेन्सी । विकिलिक्सका संस्थापक जुलियन असान्ज पाँच वर्षपछि बेलायती जेलबाट छुटेका छन् ।

एक वर्ष लामो कानुनी लडाइपछि अमेरिकी प्रशासनसँग सम्झौता भएर जुलियन जेलबाट रिहा भएका हुन् ।

अदालतको पत्र अनुसार जुलियन आफ्नै देश अष्ट्रेलिया फर्किने छन् । अमेरिकासँग गरेको सम्झौताको जानकारी भने अहिलेसम्म बाहिर नआएको बताइएको छ ।

५२ वर्षीय जुलियनलाई राष्ट्रिय सुरक्षासँग सम्बन्धित कागजात चोरेको र सार्वजनिक गरेको आरोप लागेको थियो ।