काबुल । अफगानिस्तानका जेलमा कुल ६० विदेशी नागरिकलाई थुनिएको स्थानीय सञ्चारमाध्यमले जनाएका छन् । देशभरका जेलमा हाल एक हजार ५०० महिलासहित २० हजार बन्दी छन् ।

१० महिलासहित ६० विदेशीलाई थुनामा राखिएको त्यहाँको जेल प्रशासन कार्यालयका उपप्रमुख अब्दुल्लाह हमदर्दलाई उद्धृत गरी टोलो न्युजले जनाएको छ ।

विभिन्न अपराधमा विदेशीले कैदी जीवन बिताइरहेका हमदर्दले बताएका छन् । कारागारमा कुनै यातना नदिइएको बरु कैदीले सिक्ने र तालिम लिने अवसर रहेको उनको भनाइ छ ।

जेल प्रशासनले कैदीहरूको राष्ट्रियता सार्वजनिक गरेको छैन । प्रशासनले गएको अप्रिलमा ४० विदेशी थुनामा रहेको जनाएको थियो । रासस/सिन्ह्वा