चितवन । प्रधानमन्त्री पुष्पकमल दाहाल ‘प्रचण्ड’ले देशभित्रै भविष्य खोज्न युवा पुस्तालाई आग्रह गरेका छन्।

चितवनको रामपुरमा कृषि तथा वन विज्ञान विश्वविद्यालयको चौथो दीक्षान्त समारोहलाई सम्बोधन गर्दै प्रधानमन्त्री प्रचण्डले यस्तो बताएका हुन् ।

प्रधानमन्त्री प्रचण्डले विज्ञता हासिल गरेकालाई ज्ञान र सिप किसानसँग बाढ्न आग्रह गरे।

शिक्षा र रोजगारीको नयाँ-नयाँ अवसरको खोजी गर्नु स्वभाविक रहेको बताउँदै उनले राष्ट्रियता, देशभक्तिपूर्ण भावना र भाबी पुस्ताका लागि देशमै ज्ञान र सिप प्रयोग गर्न आग्रह गरे।

शैक्षिक गुणस्तर वृद्धि गरेर युवा पुस्तालाई स्वदेशमै अवसर छ भन्ने सन्देश दिन प्रधानमन्त्री प्रचण्डले आग्रह गरे।