सुर्खेत। भेरी नदीमा बेपत्ता भएका दुई जना बालकको शव सशस्त्र प्रहरीको गोताखोरले निकालेको छ ।

सुर्खेतको वीरेन्द्रनगर नगरपालिका–२ स्थित भेरी नदीमा बेपत्ता भएका भुपेन्द्र केसी र विनोद केसीको शव सशस्त्र प्रहरीले निकालेको हो ।

शनिबार दिउँसो नदीमा पौडी खेल्न गएका भुपेन्द्र केसी र विनोद केसी बेपत्ता भएका थिए।

सशस्त्र प्रहरी बल नेपाल नं.६ महेश्वरी बाहिनी मुख्यालय सुर्खेतबाट खटिएको १० जनाको गोताखोर टोलीले आज साढे १२ बजेतिर भुपेन्द्र केसीको र करिब १ बजेतिर विनोद केसीको शव ३० फिट गहिराईबाट निकालेको हो ।