काठमाडौं । राज्य व्यवस्था तथा सुशासन समितिको बैठक गृहमन्त्री रवि लामिछानेले बहिष्कार गरेका छन् ।

राज्यव्यवस्था समितिमा एनजीओले खाजा प्रायोजन गरेपछि गृहमन्त्री लामिछानेले बैठक बहिष्कार गरेका हुन् ।

गृहमन्त्री लामिछानेलाई आज विहान साढे ७ बजे समितिले छलफलका डाकेको थियो । बोलाइएको समयमै लामिछाने बैठकस्थलमा पुगेका थिए ।

तर आजको बैठकमा मंहगो मूल्यका खाजा अर्डर गरिएको थाहा पाएपछि गृहमन्त्री लामिछाने भड्किएर निस्केका थिए ।

मन्त्री र सांसदहरूले खाजाको विषयमा प्रश्न उठाउँदै बैठक नै बहिष्कार गरेपछि समितिको बैठक स्थगित भएको थियो ।

समितिले आज निजामति सेवा विधयेकका विषयमा छलफल गर्न गृहमन्त्री लामिछानेलाई निम्याएको थियो ।