सल्यान । जंगलमा लुकाइ छिपाइ राखेको एक थान भरुवा बन्दुक प्रहरीले बरामद गरेको छ ।

सल्यानको त्रिवेणी गाउँपालिका-२ खारापाखास्थित राधिका सामुदायिक वनमा लुकाइ राखेको अवस्थामा प्रहरीले भरुवा बन्दुक बरामद गरेको हो ।

जिल्ला प्रहरी कार्यालय सल्यानका अनुसार जंगलमा अपरिचित व्यक्तिले बन्दुक छाडी भागेको भन्ने गोप्य सूचना पाएपछि घटनास्थल पुगेको प्रहरीले सल्लाको सुकेको पातले छोपी राखेको अवस्थामा भरुवा बन्दुक फेला परेको थियो ।

बन्दुक कसले छाडेको खुल्न नसकेपनि सिकार खेल्नेले लुकाए राखेको हुनसक्ने प्रहरीले जनाएको छ ।

जंगलमा अवैध रुपमा भेटिएको भरुवा बन्दुक र कसले लुकाएको भन्नेबारेमा अनुसन्धान भइरहेको छ।