काठमाडौं । विश्वकप फुटबल २०२६ को एसियाली छनोटअन्तर्गत दोस्रो चरणको आफ्नो अन्तिम खेलमा नेपालले यमनसँग २-२ गोलको बराबरी खेलेको छ ।

दम्मामस्थित प्रिन्स मोहम्मद बिन फहद स्टेडियममा नेपालले बराबरी खेलेको हो । नेपालका लागि सञ्जीव विष्ट र जेलेप्सीजङ कार्कीले गोल गरे ।

अन्तिम समयमा गोल बेहोरेपछि नेपालको जित टरेको थियो । यमनका लागि मोहम्मद अब्दुल्लाह अल दाही र नासर अहमद अल गवासीले गोल गरे ।

एसियाली छनोटको दोस्रो चरणमा नेपालले पहिलो पटक गोल गरेको हो भने अंक पनि पहिलो पटक प्राप्त गरेको हो। नेपालले अघिल्ला ५ खेलमा १८ गोल बेहोरेको थियो भने सबैमा हार पनि बेहोरेको थियो ।