काठमाडौं । आईसीसी टी–२० विश्वकपमा पाकिस्तानले पहिलो जित निकालेको छ । गएराति भएको खेलमा पाकिस्तानले क्यानडालाई ७ विकेटले हराउँदै आफ्नो तेस्रो खेलमा पहिलो जित निकालेको हो ।

न्यूयोर्कमा भएको खेलमा क्यानडाले दिएको १ सय ७ रनको लक्ष्य पाकिस्तानले मात्र ३ विकेट गुमाएर भेट्टायो । पाकिस्तानका मेहम्मद रिजवानले अविजित ५३ रन बनाए । क्यानडाका डिलोन हेलिंगरले २ विकेट लिए ।

त्यसअघि टस हारेर ब्याटिङ गरेको क्यानडाले निर्धारित २० ओभरमा ७ विकेट गुमाउँदै १ सय ६ रन बनाएको थियो । उसका आरोन जोन्सनले सर्वाधिक ५२ रन बनाए । पाकिस्तानका लागि मोहम्मद आमिरले २ विकेट लिए ।

यसअघि पाकिस्तान आयोजक एवम् घरेलु टोली अमेरिका र भारतसँग पराजित भएको थियो । क्यानडाको भने यो तेस्रो खेलमा दोस्रो हार हो । अमेरिकासँग पराजित भएको क्यानडाले आयरल्यान्डलाई हराएको थियो ।