अर्घाखाँची । अर्घाखाँचीमा टिपर दुर्घटना हुँदा चालकको मृत्यु भएको छ।

अर्घाखाँचीको छत्रदेव गाउँपालिका-७ देउरालीबाट नेटातर्फ जाँदै गरेको ना ८ ख ६६४४ नम्बरको टिपर दुर्घटना हुँदा चालकको मृत्यु भएको हो ।

दुई जना गम्भीर घाइते भएका छन् ।

दुर्घटनामा परी गम्भीर घाइते सन्धिखर्क नगरपालिकाको खाँचीकोट निवासी ३६ वर्षका रामलाल पुरीको उपचारको क्रममा तम्घास अस्पतालमा मृत्यु भएको हो ।

सन्धिखर्क-७ का २३ वर्षका रिसव केसी र शितगंगा नगरपालिका-२ का २९ वर्षका नवीन घिमिरे घाइते रहेका छन् ।

उनीहरूको थप उपचार लुम्बिनी मिसन अस्पताल पाल्पामा उपचार भैरहेको प्रहरीले जनाएको छ।