एजेन्सी । राउज एभेन्यु अदालतले दिल्लीका मुख्यमन्त्री अरविन्द केजरीवालको न्यायिक हिरासत बढाएको छ ।

मुख्यमन्त्री केजरीवालमाथि अदालतले रक्सी घोटालामा सम्पत्ति शुद्धीकरणसम्बन्धी मुद्दामा सो निर्णय गरेको हो ।

उनी अब जुन १९ सम्म न्यायिक हिरासतमा बस्नुपर्नेछ । आज उनलाई भिडियो कन्फ्रेन्समार्फत अदालतमा पेश गरिएको थियो ।

अदालतले मुख्यमन्त्री केजरीवालको सात दिनको अन्तरिम जमानतको निवेदन खारेज गरेको छ ।

केजरीवालले मेडिकल कारण देखाउँदै ७ दिनको जमानत मागेका थिए ।

यसैबिच अदालतले आवश्यक स्वास्थ्य परीक्षण गर्न सम्बन्धित निकायलाई निर्देशन दिएको छ ।