पर्सा । हुन्डी कारोबारमा संलग्न रहेको आरोपमा प्रहरीले एक भारतीयलाई पक्राउ गरेको छ ।

पक्राउ पर्नेमा भारतको विहार राज्य पूर्वीचम्पारण रक्सौलका-२९ वर्षीय बबलुराज रौनियार रहेका छन् ।

उनलाई प्रहरीले पर्साको वीरगञ्ज महानगरपालिका १५ बाइपासस्थित सडक खण्डबाट पक्राउ गरेको हो।

प्रहरीले उनको साथबाट ५ लाख ९० हजार नेपाली ​रुपैयाँसमेत बरामद गरेको जिल्ला प्रहरी कार्यालय पर्साले जनाएको छ ।

पैदल हिँडिरहेका ​रौनियारले बोकेको कालो ब्यागमा उक्त परिमाणको रकम बरामद भएको छ । थप अनुसन्धान भइरहेको प्रहरीले जनाएको छ ।